काठमाडौँ । नेपालमा दैनिक जसो नै कोरोना संक्रमण देखिन थालेको छ । पछिल्ला केही दिनमा प्त्येक दिन वा एक दिन विराएर संक्रमण देखिन थालेको छ । तर पनि सरकारले संक्रमण भने नियन्त्रणमा रहेको जनाएको छ ।
आज मात्रै थप दुई जनामा कोरोना भाइरसको संक्रमण देखिएको थियो । यसअघि आइतवार तीन जनामा देखिएको थियो । त्यसको अघिल्लो दिनमा पनि संक्रमण फेला परेको थियो ।
स्वास्थ्य तथा जनसंख्या मन्त्रालयका अनुसार आज भेटिएका २४ र ३५ बर्षका दुई भारतीय पुरुष रहेका छन् । सीमा नाकाबाट नेपाल छिरेका उनीहरु क्वारेन्टाइनमा रहेका थिए ।
यि दुई जनासँगै नेपालका कोरोना संक्रमण देखिएका ५४ जना पुगेको मन्त्रालयले जनाएको छ । यि मध्ये १६ जना उपचारपछि घर फर्की सकेकाका छन् । बाँकी ३८ जनाको देशका विभिन्न अस्पतालमा उपचार भैरहेको मन्त्रालयका डा विकास देवकोटाले बताए ।
हालसम्म प्रयोगशाला परिक्षण ५४ हजार ८२६ कुल परिक्षण भएको जनाइएको छ । जसमध्ये १० हजार ८०७ पिसिआर परिक्षण तथा ४४ हजार १९ आरटिडी परिक्षण रहेका छन् । गत चौबिस घण्टामा मात्र ९ हजार १९३ परिक्षण भएको मन्त्रालयले जनाएको छ । हाल क्वारेन्टाइमा २२ हजार ९९ जना रहेका छन् ।
बढ्दो छ स्वमूल्याङकन
कोरोना भाइरस परिक्षणका लागि स्वमूल्याङ्कन गर्ने संख्या बढेको छ । सबैभन्दा धेरै स्वमूल्याकंन फारम भर्ने वागमति प्रदेशका रहेका छन् । त्यसपछि प्रदेश नम्बर २ र प्रदेशनम्बर १ र प्रदेश नम्बर ५ बाट धेरैले स्वमूल्याङ्कन फाराम भरेको स्वास्थ्य मन्त्रालयले जनाएको छ ।
यि बाहेक गण्डकी, सुदुरपश्चिम र कर्णाली प्रदेशका स्वमूल्याङ्कर्ता रहेका छन् । जिल्लाहरुमा सबैभन्दा बढि काठमाडौँ, बारा, ललितपुर, रुपन्देही, भक्तपुर, मोरग, झापा, सुनसरी, कास्की र चितवन रहेको मन्त्रालयले बताएको छ ।
त्यसैगरी विभिन्न हिमाली जिल्ला हुम्ला,जुम्लाबाट पनि स्वमूल्याङ्कनको फाराम भरिएका छन् । मन्त्रालयले उपलब्ध गराएको अनलाइन फारममार्फत आफूलाई देखिएको समस्या उल्लेख गर्दै सचेत रहनका लागि यो स्वमूल्याङ्कन फारा मभर्ने गरिन्छ । यसरी भरिएको फाराममा शंकास्पद लक्षण रहेका खण्डमा सम्बन्धित क्षेत्रबाटै ति व्यक्तिलाई परिक्षण गराउन पहल हुनेगर्छ ।
प्रतिक्रिया दिनुहोस
सफल खबर संवाददाता
मंगलबार, १६ बैशाख २०७७, २० : ४६
लेखकबाट थप
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै