महादेव पन्थ सचिवमा बढुवा

काठमाडौँ । सरकारले सहसचिव महादेव पन्थलाई सचिवमा बढुवा गरेको छ ।

बिहीबार(हिजो) बसेको मन्त्रिपरिषद् बैठकले लुम्बिनी प्रदेश सरकारको कायममुकायम(कामु) प्रदेश सचिव रहेका सहसचिव पन्थलाई सचिवमा बढुवा गर्ने निर्णय गरेको एक मन्त्रीले जानकारी दिए । 

लोक सेवा आयोगका अध्यक्ष माधव प्रसाद रेग्मीको अध्यक्षतामा आइतबार सिँहदरवारमा बसेको बढुवा सिफारिस समितिको बैठकले प्रशासनतर्फ रिक्त सचिव पदमा बढुवाका लागि डा. कमल प्रसाद पोखरेल, महादेव पन्थ र रघुराम विष्टको नाम सिफारिस गरेको थियो । जसमध्ये दोस्रो नम्बरमा सिफारिस पन्थलाई सचिवमा बढुवा गरेको हो । यसअघि भाद्र २० बिहीबारको मन्त्रिपरिषद्ले दोस्रो नम्बरमा सिफारिस कार्कीलाई सचिवमा बढुवा गरेको थियो ।