कस्तो रहला आज दिनभरको मौसम ?

काठमाडौ । हाल देशमा पश्चिमी न्यून चापीय प्रणालीको  सामान्य प्रभाव रहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार मंगलबार बिहान देशका पहाडी भूभागमामा आंशिकदेखि सामान्य बदली रहेका छन् भने बाँकी भूभागमा मौसम सामान्यतया सफा रहेको छ। यस्तै तराइका भूभागका केही स्थानमा हुस्सु तथा कुहिरो लागेको छ।

यस्तै दिउँसो सुदूरपश्चिम, कर्णाली, गण्डकी प्रदेश र प्रदेश १ का पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहनेछ। 

यस्तै सुदूरपश्चिम, कर्णाली, गण्डकी प्रदेश र प्रदेश १ को उच्च पहाडी तथा हिमाली भूभागहरुका एक दुई स्थानमा हल्का हिमपातको सम्भावना रहेको छ।

यसैगरी राति पनि पहाडी भूभागमा आंशिकदेखि सामान्य बदली रही बाँकी भूभागमा आंशिक बदली रहनेछ।  

महाशाखाले सुदूरपश्चिम, कर्णाली, गण्डकी प्रदेश र प्रदेश १ को उच्च पहाडी तथा हिमाली भू(भागहरुका एक दुई स्थानमा हल्का हिमपातको सम्भावना रहेको नियमित बुलेटिनमा उल्लेख गरेको छ ।