काठमाडौँ । जिल्ला अदालत काठमाडौंमा क्रिकेटर सन्दीप लामिछानेविरुद्धको थुनछेक बहस बुधबारदेखि सुरु हुँदैछ । मंगलबार अदालतमा सन्दिपको बयान लिने क्रम सकिएको थियो ।
एक नाबालिकामाथि जबरजस्ती करणी गरेको आरोपमा पक्राउ परेका उनी हाल प्रहरी हिरासतमा छन् । उनको मुद्दा मंगलवार न्यायाधीश माधवप्रसाद घिमिरेको इजलासमा परेको थियो ।
मंगलवार दिनभरि सन्दीपको बयान लिइएको अदालत स्रोतले जानकारी दिएको छ । सरकारी वकिलको कार्यालयले सन्दीपविरूद्धको मुद्दा सोमवार अदालतमा दर्ता गरेको थियो । प्रहरीले कात्तिक ४ गते नै उनीविरूद्ध अनुसन्धान सकेर सरकारी वकिलको कार्यालयमा प्रतिवेदन बुझाएको थियो ।
सन्दीपले भदौ ५ गते गौशालास्थित एक होटलमा पुर्याई ति नाबालिकालाई जबरजस्ती करणी गरेको आरोप लागेको थियो ।
युवतीले भदौ २१ गते सन्दीपविरुद्ध प्रहरी वृत्त गौशालामा जाहेरी दिएकी थिइन् ।
त्यसबेला उनी क्रिकेट खेल्न केन्या पुगेका थिए । सन्दीपलाई प्रहरीले असोज २० गते त्रिभुवन अन्तर्राष्ट्रिय विमानस्थलबाट पक्राउ गरेको थियो ।
प्रतिक्रिया दिनुहोस
सफल खबर संवाददाता
बुधबार, १६ कार्तिक २०७९, ०७ : २३
लेखकबाट थप
सम्बन्धित समाचारहरु
सन्दीप लामिछानेको मुद्दामा उच्च अदालतले गर्यो ‘झझी’ आदेश
सन्दीप लामिछानेको पहिलो सुनुवाइ चैत २३ मा हुने
सन्दीप लामिछानेको मुद्दा दर्ता
जिल्ला अदालतको फैसलाविरुद्ध उच्चमा पुनरावेदन गर्ने सन्दीपको तयारी
सन्दीप लामिछानेलाई ८ वर्ष कैद
सन्दीपलाई सजाय निर्धारण गर्ने मुद्दामा बहस सकियो, सजाय तोकिँदै