सिमकोट (हुम्ला) । हुम्लाको मध्य भेगमा रहेको सर्केगाड गाउँपालिका-७ रोडिकोटमा सुत्केरी भएको केही समयपछि एक जना महिलाको मृत्यु भएको छ । स्वास्थ्य चौकीमा प्रसूति गराउन गएकी २८ वर्षीया रिता देवकोटाको आइतबार राति १२ : ३० बजे रोडिकोट स्वास्थ्य चौकीमा मृत्यु भएको हो ।
देवकोटाले बच्चालाई जन्म दिएको १ : ३० घण्टा पछि मृत्यु भएको हो । मृतक देवकोटालाई शुक्रबारदेखि पानी बग्ने समस्या देखिए पनि आफन्तले ढिला आइतबार बिहान ११ बजे मात्रै स्वास्थ्य चौकी पुर्याउँदा समस्या उत्पन्न भएको स्वास्थ्य चौकीका इन्चार्ज टिका बोहराको भनाइ छ ।
इन्चार्ज बोहराका अनुसार, आफन्तले भूतप्रेत लागेको भन्दै सुत्केरी ब्यथाले च्यापेको एक दिनपछि मात्रै स्वास्थ्य चौकीमा ल्याउँदा समस्या भएको हो । रोडिकोट स्वास्थ्य चौकीमा कार्यरत अनमी लगायत सबै स्वास्थ्यकर्मी लागि परेर रातिको १० : ३० बजे बच्चा जन्माउन सफल भए पनि त्यसको केही समयपछि देवकोटाको मृत्यु भये ।
‘बच्चा जन्माउनु अगाडि रगत बग्ने समस्या थियो । बच्चा जन्माएपछि रगत बग्न रोकिए पनि त्यसको केही समयपछि मृत्यु भयो’, इन्चार्ज बोहराको भनाइ छ । मृतक देवकोटाको उद्धारका लागि खबर गर्न रात परिसकेको, गाउँपालिका स्वास्थ्य शाखालाई खबर गर्न फोन गर्दा फोन नउठेपछि जिल्ला अस्पतालका वरिष्ठ अनमी सरिता बोहरासँग परामर्श लिएर बच्चा सकुशल जन्माएको स्वास्थ्य चौकी इन्चार्ज बोहराको भनाइ छ । तर आमाको मृत्यु भयो ।
देवकोटाले पहिलो सन्तानका रुपमा छोरीलाई जन्म दिएकी थिइन् । दुर्गम हुम्लाका अधिकांश महिलाले कहिले उद्धार त कहिले उपकरणका साथै विज्ञ स्वास्थ्यकर्मीबाट सेवा नपाउँदा अकालमै ज्यान गुमाउनु परेको छ ।
प्रतिक्रिया दिनुहोस
रासस
सोमबार, १० बैशाख २०८१, १९ : ०८
लेखकबाट थप
सम्बन्धित समाचारहरु
इजरायली हवाई आक्रमणमा २० जनाको मृत्यु
कैलालीमा प्रहरी थुनामा बेहोस भएका युवकको मृत्यु
भीषण वर्षा र बाढीका कारण अफगानिस्तानमा कम्तिमा ५० जनाको मृत्यु
एम्बुलेन्सको ठक्करबाट एक महिलाको मृत्यु, २ घाइते
शौचालय जाँदा लडेर एक महिलाको मृत्यु
अमेरिकामा आँधीका कारण चार जनाको मृत्यु