विराटनगर । मोरङको बेलवारी नगरपालिका-१ स्थित पूर्व-पश्चिम राजमार्गमा दुर्घटना हुँदा तीन जनाको मृत्यु भएको छ। दुर्घटनामा अन्य दुई जना घाइते भएका छन्।प्रहरीका अनुसार शुक्रबार बिहान पश्चिमबाट पूर्वतर्फ जाँदै गरेको प्रदेश १-०२-००१ ख ९६७६ नम्बरको टिपरले विपरीत दिशाबाट आउँदै गरेको बाग्मती प्रदेश ०३-००१ ख २७१८ नम्बरको बसलाई ठक्कर दिँदा टिपर अनियन्त्रित भई सोही दिशातर्फ आउँदै गरेको मे१ज २८५६ नम्बरको बोलेरो ठक्कर दिँदा दुर्घटना भएको हो।
मृत्यु हुनेमा बोलेरो चालक विर्तामोड नगरपालिका-२ झापाका ३६ वर्षीय कृष्ण गजुरेल, बोलेरोमा सवार कमल गाउँपालिका-२ का ५२ वर्षीय यदुकान्त भट्टराई र कमल गाउँपालिका-४ की ४४ वर्षीया दीपा खनाल छन्। उनीहरूको उपचारको क्रममा कोसी अस्पताल विराटनगरमा मृत्यु भएको मोरङ प्रहरी प्रवक्ता प्रहरी नायब उपरीक्षक रन्जनकुमार दाहालले बताए।
उक्त घटनामा घाइते भएका विर्तामोड-२ की ४८ वर्षीया गायत्री भट्टराई र विर्तामोड-४ का ४६ वर्षीय हरि खनालको न्युरो अस्पताल विराटनगरमा उपचार भइरहेको छ। प्रहरीले टिपर चालक सुन्दरहरैंचा नगरपालिका-७ मोरङका २३ वर्षीय चन्द्रकुमार विक र बसका चालक सुन्दरहरैंचा-१२ का ४५ वर्षीय छत्रकुमार मास्के नियन्त्रणमा लिएको छ।
प्रतिक्रिया दिनुहोस
सफल खबर संवाददाता
शुक्रबार, १८ फागुन २०८०, ११ : २१
लेखकबाट थप
सम्बन्धित समाचारहरु
पाकिस्तानमा सडक दुर्घटनाः ३५ जनाको मृत्यु
बागलुङमा जिप दुर्घटना हुँदा १७ जना घाइते
दोलखामा मलामी बोकेको गाडी दुर्घटना, १८ जना घाइते
कैलालीमा एम्बुलेन्स दुर्घटना, एक युवतीको निधन
गाडी दुर्घटना हुँदा एक युवकको मृत्यु, अर्का घाइते
भरतपुरमा इलेक्ट्रिक स्कुटर अनियन्त्रित भई पल्टिदा ६५ वर्षिय पुरुषको मृत्यु