काठमाडौं । डाक्टर कुट्ने प्रहरीको डीएसपी पदबाट हटाइएकोे छ । डाक्टर कुटेको अभियोग लागेर छानबीनमा रहेको महानगरीय प्रहरी वृत्त, महाराजगञ्जका डीएसपी उमेशराज लम्साललाई डीएसपीको जिम्मेवारीबाट हटाइएको हो ।
उनलाई पदबाट हटाउदै महानगरीय प्रहरीे कार्यालय, रानीपोखरीका तानिएको छ ।
महानगरीय प्रहरी प्रमुख डीआईजी विश्वराज पोखरेलका अनुसार लम्साललाई छानबिनका लागि रानीपोखरी ल्याएको हो ।
लकडाउनका बेला पनि आफ्नो डिउटीमा खटिएका डाक्टर शम्भु खनालमाथि भएको अभद्र व्यवहारप्रति क्षमामाग्दै अभियुक्तलाई जिम्मेवारीबाट हटाइएको वृत्तद्वारा जारी प्रेस विज्ञप्तीमा जनाइएको छ ।
घटनाको छानविनका गर्न गठित एसएसपी किरण बज्राचार्यको नेतृत्वमा एसपी मुकेश सिंह र डीएसपी होविन्द्र बोगटीको समितिले लम्सालमाथि छानबीन सुरु गरिसकेको बताइएको छ ।
सो घटनामा संलग्न अन्य प्रहरीलाई पनि रानीपोखरी झिकाइ कारबाही अघि बढाइने महानगरीय प्रहरी कार्यालयले जनाएको छ ।
ड्यूटी सकेर फर्किने क्रममा त्रिवि शिक्षण अस्पतालमा कार्यरत खनाल सहितका डाक्छरमाथि प्रहरीले हातपात सहित लाठी चार्ज गरेको आरोप चिकित्सक संघले लगाएको छ । अस्पतालको कार्ड देखाउँदा समेत आफूहरुमाथि दुव्र्यहार र कुटपिट भएको दाबी स्वयं चिकित्सले पनि गरेका छन् ।
अभद्र व्यवहार गर्ने प्रहरीलाई छानविनको दायरामा ल्याउन र कारबाही अगाडि बढाउन संघले आव्हान गरेको थियो ।
कारबाही प्रक्रिया अघि नबढाए कडाभन्दा कडा कदम चाल्न बाध्य हुने चेतावनी पनि विज्ञप्तिमार्फत दिइएको छ । छानबीन गर्न गठित समितिलाई घटनाको यथार्थ सहित प्रतिवेदन पेस गर्न भनिएको छ ।
प्रतिक्रिया दिनुहोस
सम्बन्धित समाचारहरु
नेपाल प्रहरीका दुई डिएसपीको सरुवा
कैलालीको जंगलमा भेटियो प्रहरी जवानको शव
८ जना डीएसपी एसपीमा बढुवा सिफारिस
४ असईसहित २३ प्रहरी सम्पर्कविहीन
१४१ प्रहरी नायव उपरीक्षकको सरुवा
प्रहरीमा उजुरी र गुनासो गर्न क्युआर कोड प्रयोगमा