काठमाडौं । चितवन, सुनसरी, मोरङ, दाङ र रुपन्देहीका विभिन्न स्थानमा भएका छुट्टाछुट्टै सवारी दुर्घटनामा ५ जनाको मृत्यु भएको छ ।
चितवन, भरतपुर महानगरपालिका-३ सहिद चोकस्थित सडकमा बा.१ ख ९८५९ नम्बरको मिनी ट्रकको ठक्करबाट पैदलयात्री नवलपरासी कावासोती नगरपालिका-१७ बस्ने करिब ५० वर्षीय ठाकुर पौडेलको आइतबार राति मृत्यु भएको छ । दुर्घटनामा गम्भीर घाइते भएका उनको जिल्ला अस्पताल भरतपुरमा उपचारको क्रममा मृत्यु भएको हो । ट्रक र चालकलाई प्रहरीले नियन्त्रणमा लिएको छ ।
सुनसरी, ईनरुवा नगरपालिका-६ स्थित सडकमा ना.७ ख ७१८१ नम्बरको ट्याङकरको ठक्करबाट सोही ठाँउ बस्ने पैदलयात्री ४८ वर्षीय मोनिमायाँ गिरीको आइतबार साँझ मृत्यु भएको छ । दुर्घटनामा गम्भीर घाइते भएका उनको जिल्ला अस्पताल ईनरूवामा उपचारको क्रममा मृत्यु भएको हो । ट्याङकर र चालकलाई प्रहरीले नियन्त्रणमा लिएको छ ।
मोरङ, बेलबारी नगरपालिका-९ नलबारीस्थित सडकमा मे.८ प ५२२८ नम्बरको मोटरसाइकल अनियन्त्रित भई आइतबार राति दुर्घटना हुँदा मोटरसाइकल चालक सोही ठाँउ बस्ने २८ वर्षीय तेज बहादुर धिमालको मृत्यु भएको छ । दुर्घटनामा गम्भीर घाइते भएका धिमालको घोपा अस्पताल धरानमा उपचारको क्रममा मृत्यु भएको हो ।
दाङ, लमही नगरपालिका-१ सुनडबरीस्थित सडकमा रा.१ ख १७९५ नम्बरको बसको ठक्करबाट पैदलयात्री सोही ठाँउ बस्ने २४ वर्षीय होम बहादुर घर्तीमगरको आइतबार राति घटनास्थलमै मृत्यु भएको छ । बस र चालकलाई प्रहरीले नियन्त्रणमा लिएको छ ।
रुपन्देही, वुटवल उपमहानगरपालिका-४ स्थित सडकमा बा.१२ च २३१८ नम्बरको जिपको ठक्करबाट गम्भीर घाइते भएका सोही ठाउँ बस्ने ५२ वर्षीय रबिन्द्र बर्माको लुम्बिनी प्रादेशिक अस्पताल बुटवलमा उपचारको क्रममा सोमबार बिहान मृत्यु भएको छ । जिप र चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।
प्रतिक्रिया दिनुहोस
सम्बन्धित समाचारहरु
पिकअपको ठक्करबाट ट्रक चालकको मृत्यु
माडी जाँदै गरेको बसले साइकललाई ठक्कर दिँदा एक जना गम्भीर घाइते
स्याङजामा जिप दुर्घटना हुँदा नौ जना घाइते
बसको ठक्करबाट मोटरसाइकलमा सवार २ जनाको मृत्यु
मध्यविन्दुमा मोटरसाइकल दुर्घटना, एकको मृत्यु, दुईजना घाइते
चीनमा सुरुङ मार्गभित्र बस दुर्घटना : १४ जनाको मृत्यु, ३७ घाइते