काठमाडौं – नागढुंगा–मुग्लिन सडक अब ६ लेनको बनाइने भएको छ । सडक विभाग, विकास सहायता समन्वय महाशाखाका प्रमुख अर्जुनजङ्ग थापाले १६ अर्ब लगानीमा ६ लेनको बनाइन लागिएको बताए ।
नागढुंगादेखि मुग्लिनसम्मको ९४ दशमलव सात किलोमिटर सडक विस्तार गरिने भएको हो। हाल एकदेखि दुई लेन चौडाइको सडकलाई चारदेखि ६ लेनसम्म विस्तार गर्न लागिएको महाशाखाले जनाएको छ ।
सडकमा साँघुरा मोड रहेकाले त्यसलाईसमेत सुधार गरिने सडक विभागले जनाएको छ। मोड सुधार गर्दा सडकको लम्बाई पनि केही घट्ने सडक विभाग, विकास सहायता समन्वय महाशाखाले जनाएको छ ।
यस सडकमा सम्भव भएसम्म ६ लेन बनाइने छ भने नसकिने स्थानमा चार लेनमा विस्तार गरिनेछ। गजुरी, मलेखुलगायतका बजार क्षेत्रमा चार लेन सडक हुनेछ । सडक विस्तारका क्रममा २१ पुलसमेत निर्माण गरिने भएको छ। ती सबै पुल चार लेनको हुने छन् ।
प्रतिक्रिया दिनुहोस
सम्बन्धित समाचारहरु
आजदेखि बालकुमारी–ग्वार्को सडक रातको समयमा बन्द
म्याग्दीको विकट गाउँ सडक सञ्जालमा जोडियो
नारायणगढ–मुग्लिन सडक आजदेखि दिउँसो बन्द नहुने
काभ्रे - हेटौँडा छोटो दूरीको सडक : धमाधम स्तरोन्नती हुँदै
श्रमदानमार्फत भोजपुरको पुरानो बसपार्क क्षेत्रको सडक मर्मत
नारायणगढ–बुटवल सडकखण्ड : १८ किलोमिटर कालोपत्र