मोरङ । माघ २४ गते बिहान विराटनगर महानगरपालिका–१२ मा रहेको उखुबारीमा स्थानीयले एक महिलाको विभत्स शव देख्छन् । घाँटी काटिएको र सलले बेरिएको अवस्थामा विभत्स शव देखेपछि स्थानीयले प्रहरीलाई खबर गर्छन् ।
ती महिला को र कहाँकी हुन् तत्काल केही थाहा हुँदैन । शवको पहिचान हुन नसकपछि प्रहरी गहिरो अनुसन्धानमा जुट्यो । सनाखतको लागि उक्त महिलाको फोटो जिल्ला प्रहरी कार्यालय मोरङको फेसबुक पेज, प्रहरी संचार, टेलिभिजन, एफएमलगायतका सञ्चार माध्यमबाट हुलिया सार्वजनिक गरियो ।
अन्ततः शव शव बसन्त परियारकी श्रीमती सम्झना खत्री परियारको रहेको खुल्यो । महिलाको हत्या भएको अनुमान गर्दै प्रहरीबाट गहिरो अनुसन्धान सुरु भयो । गहिरो अनुन्धानबाट हत्याको आरोपमा मोरङ प्रहरीले २५ वर्षीय सुरेन्द्रप्रसाद साहलाई पक्राउ गरेको छ ।
प्रहरीले साहमाथि सुनसरीको दुहवी नगरपालिका–६ बस्ने ३२ वर्षीया सम्झना खत्री परियारको हत्या गरेको आरोप लगाएको छ ।
प्रहरीले अनुसन्धानबाट उनीहरुबीच तीन वर्षदेखिको प्रेमसम्बन्ध रहेको खुलेको छ । प्रहरीका अनुसार सप्तरी जिल्ला कृष्णश्रवण गाउँपालिका वडा नं ३ मट्टीगढा घर भई हाल बुढिगंगा गाउपालिका वडा नं ३ पोठियामा डेरा गरी बस्ने क्वालिटी नुडल्स फ्याक्ट्रीमा स्टोर ईन्चार्जको रूपमा कार्यरत सुरेन्द्रप्रसाद साह र मृतक सम्झना खत्री परियारवीच प्रेमसम्बन्ध रहेको प्रहरीको भनाइ छ ।
जिल्ला प्रहरी कार्यालयका अनुृसार माघ २१ गते मंगलबार बिहान १० बजेदेखि मृतक परियार साहको सम्पर्कमा हुँदैनन् । साहले पटकपटक फोन गर्छन् । मृतक परियारबाट फोन रिसिभ हुँदैन । परियारले फोन नउठाएपछि साह उनकै घरमा भेट्न पुग्छन् तर, घरमा कोही फेला नपरेपछि उनी पुनः फ्याक्ट्री फर्किएका थिए ।
अपरान्ह चार बजे साह पुनः परियारलाई खोज्न वरपरको क्षेत्रमा डुलिरहँदा बाँसबारी चोक अगाडि भेटेपछि उनलाई मोटरसाइकलमा चढाएर विराटनगर महानगरपालिका–१२ लैजान्छन् ।
वादविवाद भएपछि रिसको आवेगमा साहले परियारको सल घाँटीमा बेरेर तान्दै उखुबारीमा पुर्याएर धारिलो बाँसलाई हतियारको रुपमा प्रयोग गरी घाटी रेटेर हत्या गरेको प्रहरीको भनाइ छ । प्रहरीले मोटरसाईकल र दुईवटा मोबाइल पनि बरामद गरेको छ ।
प्रतिक्रिया दिनुहोस
सम्बन्धित समाचारहरु
ललितपुरमा भीरबाट लडेको अवस्थामा एक जनाको शव फेला
४ दिन हराइरहेका बालकको शव नारायणी नदीमा फेला
बझाङमा २५ वर्षीय पुरुषको शव फेला
भक्तपुरमा स्कुटरसहित युवकको शव फेला
काठमाडौंको स्वयम्भूमा एकै परिवारका तीन जनाको शव फेला
महिलाको शव निर्वस्त्र अवस्थामा फेला