काठमाडौं । मौसम बदलीका कारण दिउँसो केही समय अवरुद्ध बनेको त्रिभुवन अन्तर्राष्ट्रिय विमानस्थल सञ्चालन भएको छ । न्यून भिजिविलिटीका कारण अवरुद्ध बनेको विमानस्थल अपरान्हबाट सुरु भएको हो ।
मौसम बदलीका कारण आज चारवटा विमान डाइभर्ट भएका विमानस्थल कार्यालयका प्रवक्ता प्रतापबाबु तिवारीले जानकारी दिए । “बुद्ध एअरका तीन, श्री एअरको एक र इन्डिगो एअरको एउटा विमान मौसमका कारण डाइभर्ट भएका छन्,” प्रवक्ता तिवारीले भने, “अहिले काठमाडौंसहित देशभरका विमानस्थल सुचारु भइसकेका छन् ।”
_20231127105311.gif)
यसअघि विहान विभिन्न एअरका आठवटा हेलिकप्टर मौसम प्रतिकूलताका कारण काठमाडौं छिर्न नसकेपछि काभ्रे र सिन्धुलीमा अवतरण गराइएका थिए । अहिले मौसम अनुकूल भइसकेकाले उडान तथा अवतरणमा सामान्य अवस्थामा भइरहेको प्रवक्ता तिवारीले बताए ।
प्रतिक्रिया दिनुहोस